AFAOR en Valdeorras

A Asociación de Familiares de Enfermos de Alzhéimer de Ourense (AFAOR) achegouse no mes de outubro ao Barco de Valdeorras para dar a coñecer o seu servizo de apoio psicolóxico. Deste xeito puidemos coñecer como inflúen o alzhéimer e outras demencias na vida das persoas con estas enfermidades así como na das súas familias e persoas coidadoras, ademais de estratexias de autocoidado e recursos que permiten mellorar a calidade de vida.