Coñecendo máis sobre a xordeira

Esta semana, grazas á colaboración e contacto dunha alumna, tivemos a visita de Edurne, que nos contou a súa experiencia como persoa xorda, os recursos que utiliza para comunicarse, os prexuízos e estereotipos existentes, a importancia da socialización dende unha idade temperá e como podemos incrementar a accesibilidade en diferentes ámbitos como o do lecer, cultural, educativo ou laboral. Tamén escoitamos sobre outros casos nos que, con características de partida semellantes, a situación era moi diferente dependendo da contorna e vivencias persoais. Por último tomamos nota dalgún libro e recurso de interese que nos recomendou. Unha visita moi enriquecedora da que agradecemos o aprendido!