Encontro coa asociación Disvalia

O alumnado de Atención a Persoas en Situación de Dependencia e de Coidados Auxiliares de Enfermería tivo hoxe un encontro con Begoña e Miguel, da asociación Disvalia, xunto con outras persoas asociadas que tamén estiveron presentes. A experiencia supuxo, ademais dun momento agradable e de enriquecemento mutuo, unha oportunidade para coñecer as reivindicacións e logros dende a asociación para a mellora da accesibilidade no Barco de Valdeorras, xunto con outras actividades que realizan de ocio e culturais. Un labor que contribúe á calidade de vida de todas as persoas.