Magosto inclusivo

Como di o refrán: "Polo San Martiño, trompos ao camiño!" E así foi, o alumnado do ciclo de Atención a Persoas en Situación de Dependencia xunto coa asociación Disvalia e o alumnado de Educación Secundaria para Persoas Adultas estivo planificando un magosto que se celebrou hoxe e no que non faltaron xogos populares e tradicionais, comida e música. Compartir procesos de lecer pode influír positivamente na calidade de vida de todas as persoas a través do benestar emocional e físico, as relacións interpersoais, a autodeterminación e a inclusión social.