Tendo en conta a definición que a Oganización Mundial da Saúde fai da saúde, como o estado de completo benestar físico, mental e social, e non soamente a ausencia de doenzas, tivemos en conta a natureza como un excelente recurso para o mantemento e mellora da mesma. En concreto, a través dun paseo pola beira do río Sil, moi perto do noso instituto, puidemos desfrutar da conexión co medio ambiente a través do emprego de todos os nosos sentidos. Ao tempo, a experiencia permitiu abrir un espazo de reflexión e investigación sobre a importancia do coidado dos ecosistemas naturais e as oportunidades que ofrecen para o noso benestar e o das persoas coas que traballamos. Investigacións realizadas sobre o que en Xapón se coñece como Baños de bosque (Shinri Yoku) conclúen que os espazos verdes diminúen os niveis de estrés, ansiedade, insonmio e estado depresivo, á vez que reducen a presión arterial e melloran o sistema inmunitario. Continuaremos observando e sentindo o paso das estacións!
コメント