Obradoiro de lingua de signos

Este venres a Federación de Asociacións de Persoas Xordas de Galicia (FAXPG) veu ata o noso instituto para explicarnos cal é o seu traballo e algúns aspectos que debemos ter en conta na comunicación con persoas con xordeira en toda a súa diversidade, atendendo tanto ás variables de cada persoa (localización da lesión, grao de perda auditiva, idade de inicio) como da contorna (familia, escola, sociedade). Nunha segunda parte da sesión puidemos aprender de forma práctica, en lingua de signos, algunhas palabras e frases útiles no noso contexto profesional que nos deixaron con ganas de seguir aprendendo máis!